ആരോമല്‍ പൊന്‍മകള്‍ തന്‍ പാല്‍പ്പുഞ്ചിരിക്കായ്
ആവോളം പൊന്നുമ്മ നല്‍കിയമ്മ
വാരിവാരിപ്പുണര്‍ന്നാമോദത്തോടെ
വാര്‍നെറ്റിത്തടം തലോടിയമ്മ
കുഞ്ഞിളം കൈകാലിളക്കി കുഞ്ഞ്
മന്ദഹാസം പൊഴിച്ചതു കണ്ടയമ്മ
കുഞ്ഞേ നീയെന്‍ സ്വര്‍ഗ്ഗമെന്നു ചൊല്ലി
മനം മറന്നങ്ങു രസിച്ചു നിന്നു
അമ്മതന്‍ വല്‍സല്യത്തിന്‍ പാലാഴി
അമ്മിഞ്ഞപ്പാലായി ചുരത്തിയമ്മ
കുഞ്ഞിന്നു കരുതലാം കാരുണ്യക്കടലായ്
ദൈവത്തിന്‍ പ്രതിരൂപമായ് മാറിയമ്മ
അച്ഛനെപ്പോലെയോ അമ്മയേപ്പോലെയോ
ആരോടു സാമൃമെന്‍ കുഞ്ഞിനെന്നോര്‍ത്ത്
കൈ വളരുന്നോ കാലുവളരുന്നോ
സാകൂതം നോക്കിയിരുന്നു അമ്മ
താരാട്ടുപ്പാട്ടിന്‍ ഈണത്തിനൊപ്പം
താലോലം തോളത്തിലാട്ടിയമ്മ
കുഞ്ഞതിന്‍ മലമൂത്രത്തിനിന്ന് അറപ്പേതുമില്ലേയ്
വൃത്തിയാക്കുന്നതമ്മതന്‍ മമതയല്ലേ
മാമുണ്ണിക്കുവാന്‍ കുളിപ്പിച്ചൊരുക്കുവാന്‍
സമയമൊട്ടും തികയുന്നില്ലിന്നിവള്‍ക്ക്
ഭൂമിയെ ചുറ്റും അമ്പിളിയെന്നപോല്‍
കുഞ്ഞിനെ ചുറ്റും ഉപഗ്രഹമായിമാറിയമ്മ
കൈപിടിപ്പിച്ച് നടക്കാന്‍ പഠിപ്പിച്ച്
കുഞ്ഞിന്‍ ആദ്യ ഗുരുവായ് ചമഞ്ഞിതമ്മ
കാലുറയ്ക്കാതെ പിച്ചവയ്ക്കും കുഞ്ഞിന്‍
കാലുകള്‍തന്‍ താളമായ് ആടിയമ്മ
അമ്മയായ് മാറിയ ആഹ്ളാദത്താല്‍
അമ്പേ മറന്നുപോയ് മറ്റെല്ലാം പെണ്ണ്
അമ്മേ എന്നുള്ളകുഞ്ഞിന്‍ ആദ്യവിളികേട്ടവള്‍ക്ക്
ആനന്ദലബ്ധിക്കിനിയെന്തു വേണം!
Wednesday, February 11, 2009
Wednesday, January 28, 2009
മുളക് അച്ചാര്‍
മാര്‍ക്കറ്റില്‍ ചുവന്നു തുടുത്തിരിക്കുന്ന ഈ മുളകുകളെ കണ്ടപ്പോള്‍ വല്ലാത്ത സ്നേഹം തോന്നി.
എന്താ ഇവന്റെ ഒരു ലുക്ക്. എന്നാ കുറച്ച് വങ്ങിയേക്കാം എന്നു കരുതി. ഒരു കിലോ വാങ്ങിച്ചു.
ഇവിടെ നല്ല തണുപ്പാണ്. പിന്നെ വലിയ എരിവൊന്നും ഇവനില്ല. മിര്‍ച്ച് പക്കോട (മുളക് ബജിയുടെ ഹിന്ദി പതിപ്പ്) ഞാന്‍ ഉണ്ടാക്കാറുണ്ട്. പക്ഷേ ഒരു കിലോ വാങ്ങിപ്പോയില്ലേ. അത് മൊത്തം പക്കോട ആക്കിയാല്‍ പറ്റത്തില്ലല്ലോ.
വേറെ ഏതു രൂപത്തില്‍ ഇവനെ എങ്ങനെ അകത്താക്കാം എന്ന് ചിന്തിച്ചിരിക്കുമ്പോഴാണ് എന്റെ ഒരു ഹിന്ദിക്കാരി കൂട്ടുകാരി വീട്ടില്‍ വന്നത്. മുന്‍പ് എന്റെ കൂടെ ഓഫീസില്‍ ഉണ്ടായിരുന്നതാണ് കക്ഷി. ഇടക്കൊക്കെ വിസിറ്റ് പതിവാണ്.
അവളോട് ഞാന്‍ ഈ മുളകുസുന്ദരന്റെ കാര്യം പറഞ്ഞു. അവളാണ് ഇവനെ അച്ചാറാക്കി അല്‍പാല്‍പം അകത്താക്കൂ എന്ന് ഉപദേശിച്ചത്.
അവള്‍ പറഞ്ഞതുപോലെ ഞാന്‍ മുളക് അച്ചാര്‍ ഉണ്ടാക്കി നോക്കി. എനിക്ക് ഒത്തിരി ഇഷ്ടമായി. എന്നാല്‍ കുറച്ച് ബ്ലോഗിലൂടെ നിങ്ങള്‍ക്കും തരാം എന്നു കരുതി.
മിര്‍ച്ച് പക്കോട ഉണ്ടാക്കിയിട്ട് ബാക്കി വന്ന മുളകാണ് കേട്ടോ.
ഇതാ ഉണ്ടാക്കുന്ന വിധം:
മുളക് കഴുകി തുണികൊണ്ട് തുടച്ചെടുത്തത് : 1/2 കിലോ
പെരുംജീരകം : 2 ടീ സ്പൂണ്‍
ഉലുവ : 1ടീ സ്പൂണ്‍
മല്ലിപ്പൊടി : 1 1/2 ടീ സ്പൂണ്‍
മുളക് പൊടി : 2 1/2 ടീ സ്പൂണ്‍
മഞ്ഞള്‍പ്പൊടി : 3/4 ടീ സ്പൂണ്‍
എണ്ണ : 2 ടേബിള്‍ സ്പൂണ്‍
പുളി : 1 ഇടത്തരം നെല്ലിക്ക വലിപ്പത്തില്‍
ആംചൂര്‍ (മാങ്ങാപ്പൊടി) : 2 ടീ സ്പൂണ്‍
(പായ്ക്കറ്റില്‍ വാങ്ങാന്‍ കിട്ടും)
ഉപ്പ് : ആവശ്യത്തിന്
പെരുംജീരകവും ഉലുവയും ചതച്ചു വയ്ക്കുക. പൊടിഞ്ഞു പോകരുത്. മുളക് അറ്റം രണ്ടായി പിളര്‍ന്ന് വയ്ക്കുക.
ഒരു ചീനച്ചട്ടിയില്‍ എണ്ണ ചൂടാക്കി പെരുംജീരകം ഉലുവ എന്നിവ വഴറ്റുക. പച്ച മണം മാറിയാല്‍ മല്ലിപ്പൊടി, മുളക് പൊടി, മഞ്ഞള്‍പ്പൊടി, ആംചൂര്‍ എന്നിവ ചേര്‍ത്ത് ചൂടാക്കുക. ഇതിലേക്ക് പുളിപിഴിഞ്ഞതും കുറച്ച് വെള്ളവും ഉപ്പും ചേര്‍ത്ത് നന്നായി തിളപ്പിക്കുക. ഇതില്‍ മുളക് ചേര്‍ത്ത് നന്നായി ഇളക്കി യോജിപ്പിക്കുക. മുളക് വെന്തു കുഴയാതെ ശ്രദ്ധിക്കണം.
അന്നു തന്നെ ഉപയോഗിക്കുന്നതിനേക്കാള്‍ നല്ലത് ഒന്നോ രണ്ടോ ദിവസം കഴിഞ്ഞ് ഉപയോഗിക്കുന്നതാണ്. രണ്ടാഴ്ച കേടുകൂടാതെ ഇരിക്കും. ചോറിന്റെ കൂടെയോ ചപ്പാത്തിയുടെ കൂടെയോ കഴിക്കാം.
Thursday, January 15, 2009
നിഴല്‍
വളരുന്നു ചുരുങ്ങുന്നു
മുന്നിലും പിന്നിലും കൂടെനടക്കുന്നു
എങ്കിലും വേര്‍പെട്ട് പോകാനാവില്ലല്ലോ
ജനിച്ച നാള്‍ മുതല്‍ കൂടെയാണെന്നാലും
മരണം വരേയും ഞാന്‍ പിന്തുടരും
ഊണിലും ഉറക്കത്തിലും അരികത്തു ഞാനുണ്ട്
കരഞ്ഞാലും ചിരിച്ചാലും നിന്‍ കൂടെ ഞാനുണ്ട്
നീയില്ലാതെ ഞാനില്ല
ഞാനില്ലാതൊട്ടു നീയുമില്ല
നിന്‍ ചിതയെരിയുമ്പോള്‍
എന്‍ ചിതയുമെരിഞ്ഞിടും
നീയില്ലാതെനിക്കസ്ഥിത്വമില്ല
എന്‍ സ്ഥാനം എന്നും നിന്‍ കാല്‍ക്കീഴില്‍ മാത്രം
ആരാണ് ഞാന്‍? ഞാന്‍ നിന്‍ നിഴല്‍ മാത്രം.
Thursday, January 1, 2009
Saturday, December 27, 2008
വെജിറ്റേറിയന്‍ ഇറച്ചിക്കറി
കഴിഞ്ഞ ഞായറഴ്ച......
പതിവു പോലെ അല്‍പം സ്ലോ ആയാണ് കാര്യങ്ങള്‍ നീങ്ങുന്നത്. ഞായറാഴ്ചകളങ്ങനാണ്. പോരാത്തതിന് വീട്ടില്‍ ഞാനും മക്കളും മാത്രമേ അന്നുള്ളൂ.
നേരം ഒരു മണിയോടടുക്കുന്നു. ഉച്ചക്ക് ഒന്നും തയ്യാറായിട്ടില്ല. ചപ്പാത്തി (റൊട്ടിയെന്നാണ് ഞങ്ങള്‍ പറയാറ്) മതിയെന്ന് മൂത്തമകള്‍ക്ക് നിര്‍ബന്ധം. ഉത്തരേന്ത്യന്‍ ഭക്ഷണരീതിയാണ് അവള്‍ക്ക്ക്കിഷ്ടം. മൂന്ന് നേരവും റൊട്ടി കൊടുത്താലും സന്തോഷത്തോടെ കഴിച്ചുകൊള്ളും. ചോറ് കാണുമ്പോഴേ അവള്‍ക്ക് ദേഷ്യമാണ്. എനിക്ക് ഒരു നേരമെങ്കിലും ചോറുണ്ടില്ലെങ്കില്‍ ദേഷ്യം.
എന്നാല്‍പ്പിന്നെ അങ്ങനാട്ടെ എന്നു ഞാനും കരുതി. പണിയും ലാഭം. അല്ലെങ്കില്‍ തന്നെ ഡല്‍ഹിയിലെ ഈ കൊടുംതണുപ്പത്ത് റൊട്ടിതന്നാ നല്ലത്.
അപ്പോഴാണ് മൂക്കത്തടിച്ചു കയറുന്ന മണം. ഞങ്ങളുടെ ഫ്ളാറ്റിന്റെ താഴെ താമസിക്കുന്നത് ഓറീസ്സാക്കാരാണ്. അവരുടെ വീട്ടില്‍ നോണ്‍വെജ് ഉണ്ടാക്കുകയാണ്. ചെറുതായിട്ട് വിശപ്പും തുടങ്ങിയിട്ടുണ്ട്. എന്റെ മോള്‍ക്കാണേല്‍ കൊതിവന്നിട്ട് വയ്യ. അവളെപ്പോലെ കോഴി കൊതിച്ചി വേറെ കാണില്ല. ഒരു മുഴുവന്‍ കോഴിയെ കിട്ടിയാലും തീര്‍ത്തുകൊള്ളും. കഴിഞ്ഞജന്മം കുറുക്കനായിരുന്നോ എന്ന് ഞങ്ങള്‍ കളിയാക്കാറുണ്ട്.
മണ്ഡലകാലമായതിനാല്‍ 41 ദിവസം ശുദ്ധസസ്യാഹാരികളാണ്. അതുകൊണ്ട് കുറച്ച് ദിവസമായി അവള്‍ നോണ്‍വെജ് കഴിച്ചിട്ട്. കൊതിമൂത്ത് ഇരിക്കാനും വയ്യ. അങ്ങനെയാണ് എനിക്ക് വെജിറ്റേറിയന്‍ ഇറച്ചിക്കറി എന്ന ആശയം വര്‍ക്കൗട്ടായത്.
സോയാബീന്‍ ചംഗ്സ് മക്കളുടെ ഇഷ്ടവിഭവമാണ്. പിന്നൊന്നും ആലോചിച്ചില്ല. കുറച്ച് സോയാബീന്‍ ചംഗ്സും മഷ്റൂമും ചേര്‍ത്ത് ഇറച്ചി ഫ്രൈ ഉണ്ടാക്കുന്ന രീതിയില്‍ സൂപ്പര്‍ വെജിറ്റേറിയന്‍ ഇറച്ചി ഫ്രൈ മിനിട്ടുകള്‍ക്കകം റെഡി. സോയാസോസും അജിനോമോട്ടോയും ചേര്‍ത്ത് ഒരു ചൈനീസ് വേര്‍ഷന്‍ വേറേയും. കാര്യം കുശാല്‍. റൊട്ടിയും രണ്ടുതരം ഇറച്ചിഫ്റൈയുമായ് കുട്ടികള്‍ക്ക് ഖുശി. അവര് ഖുശിയായ് കഴിക്കുന്നത് കണ്ടപ്പോള്‍ എനിക്കും ബഹുത് ഖുശി.
പതിവു പോലെ അല്‍പം സ്ലോ ആയാണ് കാര്യങ്ങള്‍ നീങ്ങുന്നത്. ഞായറാഴ്ചകളങ്ങനാണ്. പോരാത്തതിന് വീട്ടില്‍ ഞാനും മക്കളും മാത്രമേ അന്നുള്ളൂ.
നേരം ഒരു മണിയോടടുക്കുന്നു. ഉച്ചക്ക് ഒന്നും തയ്യാറായിട്ടില്ല. ചപ്പാത്തി (റൊട്ടിയെന്നാണ് ഞങ്ങള്‍ പറയാറ്) മതിയെന്ന് മൂത്തമകള്‍ക്ക് നിര്‍ബന്ധം. ഉത്തരേന്ത്യന്‍ ഭക്ഷണരീതിയാണ് അവള്‍ക്ക്ക്കിഷ്ടം. മൂന്ന് നേരവും റൊട്ടി കൊടുത്താലും സന്തോഷത്തോടെ കഴിച്ചുകൊള്ളും. ചോറ് കാണുമ്പോഴേ അവള്‍ക്ക് ദേഷ്യമാണ്. എനിക്ക് ഒരു നേരമെങ്കിലും ചോറുണ്ടില്ലെങ്കില്‍ ദേഷ്യം.
എന്നാല്‍പ്പിന്നെ അങ്ങനാട്ടെ എന്നു ഞാനും കരുതി. പണിയും ലാഭം. അല്ലെങ്കില്‍ തന്നെ ഡല്‍ഹിയിലെ ഈ കൊടുംതണുപ്പത്ത് റൊട്ടിതന്നാ നല്ലത്.
അപ്പോഴാണ് മൂക്കത്തടിച്ചു കയറുന്ന മണം. ഞങ്ങളുടെ ഫ്ളാറ്റിന്റെ താഴെ താമസിക്കുന്നത് ഓറീസ്സാക്കാരാണ്. അവരുടെ വീട്ടില്‍ നോണ്‍വെജ് ഉണ്ടാക്കുകയാണ്. ചെറുതായിട്ട് വിശപ്പും തുടങ്ങിയിട്ടുണ്ട്. എന്റെ മോള്‍ക്കാണേല്‍ കൊതിവന്നിട്ട് വയ്യ. അവളെപ്പോലെ കോഴി കൊതിച്ചി വേറെ കാണില്ല. ഒരു മുഴുവന്‍ കോഴിയെ കിട്ടിയാലും തീര്‍ത്തുകൊള്ളും. കഴിഞ്ഞജന്മം കുറുക്കനായിരുന്നോ എന്ന് ഞങ്ങള്‍ കളിയാക്കാറുണ്ട്.
മണ്ഡലകാലമായതിനാല്‍ 41 ദിവസം ശുദ്ധസസ്യാഹാരികളാണ്. അതുകൊണ്ട് കുറച്ച് ദിവസമായി അവള്‍ നോണ്‍വെജ് കഴിച്ചിട്ട്. കൊതിമൂത്ത് ഇരിക്കാനും വയ്യ. അങ്ങനെയാണ് എനിക്ക് വെജിറ്റേറിയന്‍ ഇറച്ചിക്കറി എന്ന ആശയം വര്‍ക്കൗട്ടായത്.
സോയാബീന്‍ ചംഗ്സ് മക്കളുടെ ഇഷ്ടവിഭവമാണ്. പിന്നൊന്നും ആലോചിച്ചില്ല. കുറച്ച് സോയാബീന്‍ ചംഗ്സും മഷ്റൂമും ചേര്‍ത്ത് ഇറച്ചി ഫ്രൈ ഉണ്ടാക്കുന്ന രീതിയില്‍ സൂപ്പര്‍ വെജിറ്റേറിയന്‍ ഇറച്ചി ഫ്രൈ മിനിട്ടുകള്‍ക്കകം റെഡി. സോയാസോസും അജിനോമോട്ടോയും ചേര്‍ത്ത് ഒരു ചൈനീസ് വേര്‍ഷന്‍ വേറേയും. കാര്യം കുശാല്‍. റൊട്ടിയും രണ്ടുതരം ഇറച്ചിഫ്റൈയുമായ് കുട്ടികള്‍ക്ക് ഖുശി. അവര് ഖുശിയായ് കഴിക്കുന്നത് കണ്ടപ്പോള്‍ എനിക്കും ബഹുത് ഖുശി.
Saturday, December 20, 2008
ഇഷ്ടം
അമ്മതന്‍ ഗര്‍ഭപാത്രത്തില്‍ കഴിയവേ
കേട്ടൂ ഞാന്‍ ഹൃദയതാളത്തിന്‍ സംഗീതം
എന്നെ ഞാനാക്കിയൊരാ സംഗീതമെന്‍ കന്നിയിഷ്ടം.
പാരിതില്‍ ജാതയായെനിക്കന്ന്
കണ്ണുകള്‍ പൂട്ടിയുറങ്ങുവാനായ് പിന്നെയിഷ്ടം.
അമ്മിഞ്ഞപ്പാലിന്‍ മാധുര്യം നുണഞ്ഞപ്പോള്‍
കുഞ്ഞെനിക്കന്നതായ് ഏറെയിഷ്ടം.
മാറോട് ചേര്‍ത്തുപിടിച്ചമ്മ വാല്‍സല്യത്തിന്‍
പാല്‍ക്കടല്‍ കാട്ടീടവേ അമ്മയോടായെനിക്കേറ്റമിഷ്ടം
അന്നു തൊട്ടിന്നോളം ഏറെയിഷ്ടം.
കാതിലോമനപ്പേരു ചൊല്ലിക്കരുതലായ്
കാത്തുവളര്‍ത്തിയെന്നച്ഛനോടുമെനിക്കേറെയിഷ്ടം.
കുറുമ്പു കാട്ടി കൂടെക്കളിക്കുവാന്‍ പിന്നെപ്പിറന്ന
കൂടപ്പിറപ്പുകളോടും എനിക്കെന്നുമിഷ്ടം
സ്കൂളതിന്‍ പടികയറി ഞാന്‍ വളര്‍ന്നപ്പോള്‍
കളിക്കൂട്ടരോടുമെനിക്കിഷ്ടം.
കൗമാരത്തിന്‍ കൗതുകക്കാഴ്ചകളില്‍
കവിതയും പ്രകൃതിയും നിറമുള്ളസ്വപ്നങ്ങളുമെനിക്കേറെയിഷ്ടം.
വരണമാല്യവുമായ് എത്തിയയെന്‍ നാഥനെ
മരണം വരേയുമെനിക്കേറെയിഷ്ടം
ആത്മാവിലഗ്നിയായ് പടര്‍ന്നൊരായിഷ്ടം
ഇനിയുള്ള ജന്മങ്ങളിലുമെന്‍ നാഥനായ് കാണുവനേറെയിഷ്ടം.
കളിചിരിമാത്രമല്ലീജീവിതമെന്നു സത്യം
സഹനവും ത്യാഗവുംകൂടിയാണെന്നു കാട്ടി
മരുമകളല്ല നീ മകളെന്ന് ചൊല്ലിയ
സ്നേഹത്തിന്‍ പൊന്‍വിളക്കാം അമ്മയോടുമെനിക്കേറെയിഷ്ടം.
എന്നിലെ സ്ത്രീയെ പരിപൂര്‍ണ്ണയാക്കാന്‍
എന്നിലെ അമ്മയെ തൊട്ടുണര്‍ത്താന്‍
എനിക്കായ് ജഗദീശ്വരന്‍ തന്നയീസ്നേഹത്തിൻ
പൊന്നോമനകളെന്‍ ജീവന്റെ ജീവന്‍
അതുതന്നെയാണെനിക്കിന്നേറ്റമിഷ്ടം.
കേട്ടൂ ഞാന്‍ ഹൃദയതാളത്തിന്‍ സംഗീതം
എന്നെ ഞാനാക്കിയൊരാ സംഗീതമെന്‍ കന്നിയിഷ്ടം.
പാരിതില്‍ ജാതയായെനിക്കന്ന്
കണ്ണുകള്‍ പൂട്ടിയുറങ്ങുവാനായ് പിന്നെയിഷ്ടം.
അമ്മിഞ്ഞപ്പാലിന്‍ മാധുര്യം നുണഞ്ഞപ്പോള്‍
കുഞ്ഞെനിക്കന്നതായ് ഏറെയിഷ്ടം.
മാറോട് ചേര്‍ത്തുപിടിച്ചമ്മ വാല്‍സല്യത്തിന്‍
പാല്‍ക്കടല്‍ കാട്ടീടവേ അമ്മയോടായെനിക്കേറ്റമിഷ്ടം
അന്നു തൊട്ടിന്നോളം ഏറെയിഷ്ടം.
കാതിലോമനപ്പേരു ചൊല്ലിക്കരുതലായ്
കാത്തുവളര്‍ത്തിയെന്നച്ഛനോടുമെനിക്കേറെയിഷ്ടം.
കുറുമ്പു കാട്ടി കൂടെക്കളിക്കുവാന്‍ പിന്നെപ്പിറന്ന
കൂടപ്പിറപ്പുകളോടും എനിക്കെന്നുമിഷ്ടം
സ്കൂളതിന്‍ പടികയറി ഞാന്‍ വളര്‍ന്നപ്പോള്‍
കളിക്കൂട്ടരോടുമെനിക്കിഷ്ടം.
കൗമാരത്തിന്‍ കൗതുകക്കാഴ്ചകളില്‍
കവിതയും പ്രകൃതിയും നിറമുള്ളസ്വപ്നങ്ങളുമെനിക്കേറെയിഷ്ടം.
വരണമാല്യവുമായ് എത്തിയയെന്‍ നാഥനെ
മരണം വരേയുമെനിക്കേറെയിഷ്ടം
ആത്മാവിലഗ്നിയായ് പടര്‍ന്നൊരായിഷ്ടം
ഇനിയുള്ള ജന്മങ്ങളിലുമെന്‍ നാഥനായ് കാണുവനേറെയിഷ്ടം.
കളിചിരിമാത്രമല്ലീജീവിതമെന്നു സത്യം
സഹനവും ത്യാഗവുംകൂടിയാണെന്നു കാട്ടി
മരുമകളല്ല നീ മകളെന്ന് ചൊല്ലിയ
സ്നേഹത്തിന്‍ പൊന്‍വിളക്കാം അമ്മയോടുമെനിക്കേറെയിഷ്ടം.
എന്നിലെ സ്ത്രീയെ പരിപൂര്‍ണ്ണയാക്കാന്‍
എന്നിലെ അമ്മയെ തൊട്ടുണര്‍ത്താന്‍
എനിക്കായ് ജഗദീശ്വരന്‍ തന്നയീസ്നേഹത്തിൻ
പൊന്നോമനകളെന്‍ ജീവന്റെ ജീവന്‍
അതുതന്നെയാണെനിക്കിന്നേറ്റമിഷ്ടം.
Monday, December 15, 2008
ഞാനും ബ്ലോഗാന്‍ പോണേയ്...
യെന്തരക്കാ യിത്...........
യിവരെന്താരക്കാ യീ കാച്ചണത്? യിവര് പുലികള് തന്നെ കേട്ടാ. ഹെന്റമ്മോ. കൊറേ കാലായില്ല് നിങ്ങളീ ബ്ലോഗ് വായിക്കണ്. നിങ്ങക്കും തൊടങ്ങിക്കൂടെ വൊന്ന്?
നമുക്കൊന്നും പറ്റൂലപ്പീ... യെന്റപ്പീ ആ അഞ്ഞൂറാനേം മക്കളേം പോലെയാണ് ആ ആണ്‍പട. ആ കാപ്പിലാനും കൂട്ടരും വിശാലമനസ്കനും മന്‍സൂറിക്കയും ഒക്കേം പുലികളല്ല് പുപ്പുലികളല്ലേ. പെണ്‍പുലികളുമൊണ്ടപ്പീ.... ആ ഇഞ്ചിപ്പെണ്ണിനും വെളുത്ത ആടിനേം കൊണ്ട് നടക്കണ മേരിക്കുട്ടിക്കും കാന്താരിക്കുമൊക്കെ നൂറു നാക്കാണ്. അതുല്യേം ലക്ഷ്മീം സ്മിതേം സൂം കല്യാണിചേച്ചീം വല്യമ്മായീം ഒക്കെ പുലികള് തന്നെ... നിനക്ക് വേറൊരു കാരിയം അറിയ്യ്വോ? മനുഷന്മാരു മാത്രോല്ല കുട്ടിച്ചാത്തന്മാരും ആത്മാക്കളും ദൃശ്യനും തൊടങ്ങി സകല ഭൂതപ്രേതങ്ങളുമൊണ്ട്... ആല്‍ത്തറയുമൊണ്ട്..... പിന്നേയ്....... അവരുമാത്രോല്ല... ആ പകലുകിനാവുകാണുന്നവനും താന്തോന്നിയും വെറുതെ കൊളത്തില് കല്ലിടണവനും തൊടങ്ങി സകല കിടുപിടികളുമൊണ്ട്.. ഇവരുടെയിടയില്‍ നമ്മളെങ്ങനാ ബ്ളോഗണതപ്പീ?
യിതെന്തര് വര്‍ത്തമാനക്കാ പറയണത്? പുലികള്ക്ക് മാത്രം ജീവിച്ചാമതിയാ? എലികള്ക്കുംവ്വണ്ടേ മാളങ്ങള്? അവര് പുലിമട ഒണ്ടാക്കട്ട്.. നമുക്ക് എലിമാളമൊണ്ടാക്കാം... നിങ്ങള് ധയിരിയമായിറ്റ് തൊടങ്ങീം..
എന്നാശരി നീ പറഞ്ഞതല്ലേ പഴവങ്ങാടി ഗെണപതിയാണെ...... ആറ്റ്കാലമ്മച്ചിയാണെ ഞാനും ബ്ലോഗാമ്പോണ് കേട്ടാ... അമ്മച്ചിയാണെ സത്തിയം.
യിവരെന്താരക്കാ യീ കാച്ചണത്? യിവര് പുലികള് തന്നെ കേട്ടാ. ഹെന്റമ്മോ. കൊറേ കാലായില്ല് നിങ്ങളീ ബ്ലോഗ് വായിക്കണ്. നിങ്ങക്കും തൊടങ്ങിക്കൂടെ വൊന്ന്?
നമുക്കൊന്നും പറ്റൂലപ്പീ... യെന്റപ്പീ ആ അഞ്ഞൂറാനേം മക്കളേം പോലെയാണ് ആ ആണ്‍പട. ആ കാപ്പിലാനും കൂട്ടരും വിശാലമനസ്കനും മന്‍സൂറിക്കയും ഒക്കേം പുലികളല്ല് പുപ്പുലികളല്ലേ. പെണ്‍പുലികളുമൊണ്ടപ്പീ.... ആ ഇഞ്ചിപ്പെണ്ണിനും വെളുത്ത ആടിനേം കൊണ്ട് നടക്കണ മേരിക്കുട്ടിക്കും കാന്താരിക്കുമൊക്കെ നൂറു നാക്കാണ്. അതുല്യേം ലക്ഷ്മീം സ്മിതേം സൂം കല്യാണിചേച്ചീം വല്യമ്മായീം ഒക്കെ പുലികള് തന്നെ... നിനക്ക് വേറൊരു കാരിയം അറിയ്യ്വോ? മനുഷന്മാരു മാത്രോല്ല കുട്ടിച്ചാത്തന്മാരും ആത്മാക്കളും ദൃശ്യനും തൊടങ്ങി സകല ഭൂതപ്രേതങ്ങളുമൊണ്ട്... ആല്‍ത്തറയുമൊണ്ട്..... പിന്നേയ്....... അവരുമാത്രോല്ല... ആ പകലുകിനാവുകാണുന്നവനും താന്തോന്നിയും വെറുതെ കൊളത്തില് കല്ലിടണവനും തൊടങ്ങി സകല കിടുപിടികളുമൊണ്ട്.. ഇവരുടെയിടയില്‍ നമ്മളെങ്ങനാ ബ്ളോഗണതപ്പീ?
യിതെന്തര് വര്‍ത്തമാനക്കാ പറയണത്? പുലികള്ക്ക് മാത്രം ജീവിച്ചാമതിയാ? എലികള്ക്കുംവ്വണ്ടേ മാളങ്ങള്? അവര് പുലിമട ഒണ്ടാക്കട്ട്.. നമുക്ക് എലിമാളമൊണ്ടാക്കാം... നിങ്ങള് ധയിരിയമായിറ്റ് തൊടങ്ങീം..
എന്നാശരി നീ പറഞ്ഞതല്ലേ പഴവങ്ങാടി ഗെണപതിയാണെ...... ആറ്റ്കാലമ്മച്ചിയാണെ ഞാനും ബ്ലോഗാമ്പോണ് കേട്ടാ... അമ്മച്ചിയാണെ സത്തിയം.
Subscribe to:
Posts (Atom)